My Blog

近來不是很高興，因為某人話我不太理會身邊所發生的事情，包括社會，新聞和時事，即是好似閉門基督徒咁，於是我開始反醒下到底我為什麼會使到某人有這種感覺。於是我就開始好留意新聞，早兩日我聽到一則新聞講到中國大陸副總理吳儀突然取消與日本首相小泉純一郎會面，卻沒有預先通知，使到日本大事評擊中國人沒有禮儀。所以我就同某人講起，話個中國佬好無禮貌，某人話：[邊個中國佬呀？]我話：[吳儀囉！]某人話：[吳儀係女人黎架，連中國副總理都唔識，真係無知！！]激到我嘔血。

************************************************************************************************

感謝神，尋晚同阿爸阿媽有一個好好的對話。好耐無試過三個人傾下計，講下彼此的感受和意見。不知不覺佢地已經黎咗美國已經兩個多月啦，多謝他們在美國照顧我們的起居飲食，更時不時幫我們清理一下家居（哈哈，攪到我都懶了好多）。佢地想話留到九月先回去，因為今次以後，佢地會好耐先至會再黎美國，我當然無問題啦，而我亦同阿田曾經傾過，佢雖然有啲Surprise兩老會留這麼久，但也沒有問題。而我阿爸也提到會為我們將來計劃祈禱，我覺得我爸爸距離信主應該好近，請繼續為他們祈禱。

This entry was posted on Thursday, May 26th, 2005 at 11:57 am and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.