生活不再一樣了, 全因為皓皓.
不知不覺, 皓皓已經一嵗了. 好得意因為他已經會走路,但又走得不穩,跌跌踫踫的, 好可愛.當然亦因為他是我的兒子,所以無論他X樣都是無敵的.有了小孩自然生活會有所改變,自已的時間少了,放工要陪他玩一會,吃飯,幫他洗澡,哄他睡覺,怕他冷又怕他熱,有時他半夜還會哭.晚上出街的話十點前一定要回到家因為皓皓平時九點就訓覺.週未就是親子日,我們已經算是很辛運,因為我的老爺及奶奶時常會幫忙,如有必要亦可留在他們家過夜,夫復何求!!
雖然犧牲很多,但那
唔係呀馬? 我最近嗰次update個blog, 竟然係上年八月? 即係在我轉工後我都沒有update過!? 如果唔係睇番都唔知道竟然係咁耐, 好在我都仲記得點打倉頡,否則學得咁辛苦,真係哂矖!
咁耐以來發生咗咩事?除了轉了工以外,就係好多人都知唧有咗BB啦!不知不覺已經四個月啦.明天就會去照[歐初生]看看到底係仔定係女… 都好緊張呀,第一次為人父母,都唔知會唔會教壞細路.不過我地知道一切都係神所賜,尤其係仔女係耶和華嘅産業,衪必會親自看顧和保守,當然我倆都需要造一個好榜樣.
我一直以為，我老板對我幾好，我要走，佢一定會有所表示，可是，一切和我想像的完全不同，簡直係反轉豬肚就係X。
我一直以為，我老板娘針對我，好小器，我要走，佢一定會為難我，對我好唔客氣，可是，一切和我想像的完全不同，簡直對我有禮貎到不得了。
不但如此，當我離開公司呢單野爆光後，大家都對我能離開這間公司，抱着支持和鼓勵，不過，我知道這些都是客套說話，而且最好笑是，個個都表示一早已有離開呢間公司的想法，只是還未實行咁解，唔通我將會興起一股跳糟熱？而某某部門的重要人物向我透露，他亦在密鑼緊鼓，將會在九月俾我老板第二個驚喜。
好似大家講開又講，都對呢間公司有好多不滿，可能佢地而家見我在公司已經無殺傷力，所以都好暢所慾言，大家突然間好似好親咁。不過說真的大家都相處了這麼多年，我相信在兩個星期後我要走的當天，我一定會不捨得他們。
感謝神！俾我有一個轉工嘅機會，可以出去見下個世界，學一些新的東西，雖然要離開呢個Comfort Zone真係唔係一件容易嘅事，我曾經為了作這個決定而徹夜難眠，不過我知道，祂必指引我的路，並且一路上與我同行。
係時候update下自己個blog啦！本來我地星期四開會講星期五個週會時都好擔心（無錯所有問題同形式都係星期四VBS後好夜先至去討論的），要佢地係團契連繼做兩個survey會唔會悶到佢地死咗。感謝神尋晚大家嘅反應都好好，毎一組都有好好嘅discussion，大家都好坦誠地說出對於團契的意見及祈望。對於參予事奉的崗位，也有十分正面的回應。
*********************************************************************************************************
上個星期六去咗Corona探契仔契女，其實佢地係阿田契嘅，不過我地結咗婚，我就好自然成為咗契媽啦。不過佢地又真係得意到暈，佢阿媽又剛剛買咗個小型水池放係自己個backyard度俾佢地兩個玩。嘩兩個細路見到有水玩，簡直係開心到飛起，又玩又跳又笑，走來走去，進入了忘我的境界！佢阿媽見我地一場來到Corona，於是心血來潮地要帶我地兩個去睇下附近正在熱賣中的新屋。唔知大家對於Corona這個地區有沒有概念，這個地方以前是牛場，在非常東面的LA，如果駛60E的話差唔多在15號Freeway之前，Exit後再走一段經過牛場的郊區路，就會到達了。距離Irvine大概四十五分鐘（如果駛tollroad)，Rowland Heights二十五分鐘。由於LA的房地產供不應求，所以Corona近十年來不繼發展，牛場愈來愈少，新屋愈來愈多。講真，見到一間間又新又靚嘅屋，而價錢比起LA其他地方，確實係平很多，比起Irvine的樓價，更加咩都唔使講，如果將來要生BB，可以俾佢地有frontyard和backyard，又確實係一個理想的居住環境。不過再想清楚，神已經賜給我們一間超乎我們所想所求的房子，而且如果轉換一個新的地點，一齊又要重新開始，擁在愈多，要放手就愈困難。而我兩都知道，神並不是要我們留在Comfort Zone裏面生活，而是要我們將來出去為祂作更加多。雖然現在對於前境並沒有十分清淅，但我們可以肯定，神的恩典絶對夠我們使用。
星期五我沒有參加團契，因為我去了契媽的告別晚餐。這個契媽是我在美國時所契的，她其實時廖牧師的母親，她這次的離開，其實我心裏面確實有點依依不捨。
廖牧師一家我在香港時已經認識了，因為他是我一位好友的牧師，後來我來了美國讀書一段日子後，他一家人也移民到美國來。他們剛來時人生路不熟，而我也一個人在美生活，所以我們便互相照顧，更建立了一種家人的感覺。可是不久，廖師母子官生了一個腫瘤，初時醫生說是良性，所以他們一家三口便回香港做一個切除手術，由於故計留在香港的時間不會很長，所以便留下廖老太獨自一人在美國，而我就搬到他們家住一段日子，以便照顧廖老太，與此同時，她也照顧我的起居飲食。可是當腫瘤切除後，再深入檢查細胞組識，才發現原來腫瘤並非良性，換句話講是子官癌。所以要馬上進行一系列的化療和電療，所以逗留在香港的日子要延長了。而我在他們家居住的日子也相計的延長。後來，相處日子長了，廖老太就收了我做她的契女。
當一切治療過程完成後手術，他們一家也回來美國了，繼續牧養在美國的橙縣華人長老會，我也去了他們的教會聚會。感謝神，廖師母的癌症没有擴散，現在已經超過五年。
今次契媽返香港後，廖牧師一家也會在九月回香港，而之所以契媽先回香港，是因為她的女兒身體欠佳，想她早點回去照顧她的飲食。而牧師則回流香港發展，相信牧師一家回香港時，我會更加之依依不捨，因為他是我屬靈的Menor，也是我在美國的家人。
星期日去咗探Yammy和Kennie的小寳寳，見到人地的BB都會覺得佢地好得意，不過玩人地啲梗係好玩，而且佢又好乖又可愛咁訓係我個臂彎度好耐，只係間唔中伸個小懶腰，用對眼望一望你，又繼續訓，得意到暈！
我都抱咗佢好耐，就算我自己個Nephew，我都無抱過咁耐呀！
尋日發生咗一件幾得意嘅事。話說近排十分好學的母親見到我攞部laptop出來check email, 並陪佢睇電視之際，佢突然話想學用電腦，叫我敎佢上網。其實佢都有用過電腦睇過雜誌同新聞，不過次次都係我地開好哂俾佢，自己慢慢click嗰隻。咁我唸下以前第一次上網時，我個朋友第一樣敎我做的就是開一個email account, 我仲記得當時我係係hotmail開，由於是很早開的，所以我可以拿到jenny_yeung呢個咁好嘅user name.
於是我就由點樣開部電腦開始敎佢，然後幫佢係yahoo開咗個account，教佢點樣send email。佢都好有心機學仲send咗個email俾我呀哥，我唸我阿哥收到阿媽個email一定好驚奇，聽我阿媽講佢仲好似已經reply咗。我仲敎佢email嘅manor，就係當妳開咗email account, 而且將妳個email address 俾咗人地後，就要日日check, 而且要reply人，如果唔係就算係無禮貎，個概念就係好似開咗個手提電話一樣。所以我今日返咗工第一時間就email咗俾佢，睇下佢有冇check email。我阿媽都真係有佢可愛的一面。
雖然阿田已經返咗嚟，不過我繼續一連幾晚同好姊妹一同晚餐。先是星期二晚同Melissa慶祝生日，哈哈我地有一個很特別，又難忘的經歷。然後昨晚又與另外兩個姊妹Joeie，阿Wan食飯。Joeie係我係香港已經認識架啦，講起嚟都已經係十年前，係因為我琴日去佢屋企接佢時，佢個屋東忽然問我地兩個幾時認識先計番起嚟，不過嗰陣時我就唔係同佢好熟。後來我先來了美國，佢係香港做咗一段時間野，再過嚟美國讀書，咁我地先至再見番面。我地食咗好耐，又傾咗好耐，感謝神讓我地可以有機會彼此真誠咁溝通，分擔同分享。
食完飯返屋企，我阿媽見到我咁早食完飯返嚟好開心，因為我阿爸扭親腰嗰日佢無返到學，咁嗰一日老師教讀嗰啲生字佢唔識讀，所以叫我教佢。咁我就攪掂哂啲嘢後入佢間房度教佢讀英文，哈哈，時光輪流轉呀，我唸起以前好細個嗰陣佢幫我默書，而家我要敎佢讀英文，好得意，好温馨呀。不過見到佢而家返學咁開心，又咁勤力，我地一家人都好開心，佢話遲啲返香港，仲會上大陸學揸車，因為大陸平過美國好多。
唔係掛！！原來我已經咁耐無寫Blog啦.. 如果唔係Danny提下我都唔知.. 差唔多一個月啦! 呢個星期過得好唔一樣, 因為阿田去咗S.F.上暑期班加Trainning足足一個星期咁耐。平時佢最多去四至五日左右，所以我都唔覺得啲咩。不過今次真係有啲掛住佢。
咁掛還掛，我嘅生活亦係十分正常，而且好似出街出得特別多咁。尤其係星期六同日，我連繼兩日都有參予活石啲活動，Alan成日話我因為阿田唔係度，所以咩都出嚟，其實都唔係嘅，本來星期六我係打算成日陪下我阿爸同阿媽出下街，點知我阿爸扭親條腰骨，唔可以出去咁耐，所以我星期六陪咗佢地飲茶，夜晚就同阿媽一齊join活石去咗睇挪亞方舟。跟住星期日我又去咗Ruby, Heidi, Fandy間五星級屋企玩。所以佢地咪覺得我好似係因為阿田唔係度，就週圍去啫。不過尋日咁難得，又咁好機會可以去睇下佢地排隊排得咁辛苦爭取到嘅屋企，所以我都好想去下並替佢地開心呀。
佢地間屋真係好正架，有Direct TV, 仲有個勁大嘅Plasma電視係lounge，連個洗衫房都有電視，所有嘅設備都係新得好緊要，仲係好好嘅quality。真係開心。不過唯一一唔方便就係泊車較為麻煩，只有五個guest parking，即是想揾位泊車難過登天。不過唔緊要啦，最緊要係佢地住得開開心心啫。。。
